Question

Yaylovlar qanday holatlarda tadbirkorlarga to‘g‘ridan to‘g‘ri ijaraga beriladi?

Amaliyotda yaylov ijarasi bilan bog‘liq jiddiy xatoliklar bo‘lmoqda. Yaqinda Prezidentning PF-15-sonli "Yaylovlarni muhofaza qilish va ulardan oqilona foydalanishning zamonaviy mexanizmlarini joriy etish chora-tadbirlari to‘g‘risida"gi Farmoni qabul qilindi unda to‘g‘ridan to‘g‘ri ijaraga beriladigan toifalar aniq ravshan belgilangan. Unga ko‘ra:

 talabgor mazkur Farmon kuchga kirgan sanada yoki 2020 yil 1 sentyabr holatida tegishli yaylov yeriga nisbatan ijara, doimiy foydalanish yoki doimiy egalik qilish huquqiga ega bo‘lishi lozim;

 talabgor tegishli yaylovdan uzoq yillar samarali va oqilona foydalangan bo‘lishi, mazkur holat joyiga chiqqan holda tuziladigan dalolatnoma bilan tasdiqlanishi kerak;

 Respublika komissiyasining mazkur masaladagi barcha qarorlari 2025 yil oxirigacha bo‘lgan muddatda qabul qilinishi va jamoatchilik tanishishi uchun e’lon qilinishi kerak;

Ya’ni tadbirkor farmon kuchga kirgan sanada ya’ni 2025 yil 30 yanvar holatida yoki  2020 yil 1 sentyabr holatida yerga ijara, doimiy foydalanish yoki doimiy egalik qilish huquqiga ega bo‘lsa, unga yaylov yerlari to‘g‘ridan to‘g‘ri ijaraga berilishi kerak.