Ota vafot etganda, uy avtomatik ona nomiga o‘tadimi?
@Yurist_Xizmati 5175-savol:
Assalom aleykum yashab turgan uyimiz dadamni nomida qanday onamni nomiga o‘tqazsak bo‘ladi? Assalom aleykum dadam2017y 8 aprelda olamdan o‘tgan uy dadamni nomida onamni nomiga o‘tqazish uchun kimlarni roziligi k.k. Onamga otkazmoqchiman. Onam 5ta farzandi bo‘lgani uchun olgan. Onam 5 ta farzandli bo‘lgani uchun dadamni nomiga olgan hech kim yordam bermagan
YURIST JAVOBI:
❌ Er nomidagi uy avtomatik ravishda xotin nomiga o‘tmaydi.
Bunda Fuqarolik kodeksining 1135-moddasiga muvofiq meros qoldiruvchining bolalari (shu jumladan farzandlikka olingan bolalari), eri (xotini) va ota-onasi (farzandlikka oluvchilar) teng ulushlarda qonun bo‘yicha birinchi navbatdagi vorislik huquqiga ega bo‘ladilar.
☝️Mana shu qoidaga muvofiq sizdagi vaziyatda erdan qolgan mol-mulklarga farzandlar hamda xotin va erning ota-onasi 1-darajali merosxo‘r hisoblanadi.
Ushbu kodeks 1150-moddasiga ko‘ra 1-darajali merosxo‘larning merosdagi ulushlari teng sanaladi. Shu qoidaga ko‘ra otangiz vafotidan keyin undan qolgan merosga onangiz va farzandlar 1-darajali merosxo‘r hisoblanasizlar.
♂️ Otangizdan qolgan merosni (uy-joy va boshqa mol-mulklarni) onangiz nomiga o‘tkazish uchun dastlab meros guvohnomasi olish talab etiladi.
Fuqarolik kodeksi 1146-moddasiga binoan meros ochilgan joydagi notarius merosxo‘rning iltimosiga ko‘ra unga merosga bo‘lgan huquqi to‘g‘risida guvohnoma berishi shart. Fuqarolik kodeksining 1117-moddasiga ko‘ra ko‘chmas mulkka nisbatan meros ishi u joylashgan hududdagi notarius orqali ochiladi.
Bunda merosni onangiz nomiga olish uchun merosxo‘rlar merosdan voz kechishlari kerak. Fuqarolik kodeksining 1147-moddasiga binoan merosxo‘r meros ochilgan kundan e’tiboran istalgan vaqtda merosdan voz kechishga haqli.
Boshqa merosxo‘lar merosdan onangiz nomiga voz kechadigan bo‘lsa, hamma ulush onangiz nomida to‘planadi.
✅ Shundan so‘ng uyni onangiz nomiga olish mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati