MIB chetga chiqishga taqiqni olib tashlamasa, nima qilish kerak?
@Yurist_Xizmati 5176-savol:
Mening savolim alimentga kuyilgan ta’kikni olib tashlash buyicha Men 1 nafar farzandim uchun alimement tular edim. Xozirgi kunda uglim 21 yeshga tulgan. tulik deya olmayman lekin uglim uchun aliment tulaganman. majburiy ijro bulimidan oxirgi vaktda kuyilgan summalarni tulab takikni ochish masalasida borsam xotiningizni roziligi bulmasa takikni yecha olmaymiz debatishdi. lekin afsuski rozilik tugrisidagi ariza yezibberishdan bosh tortyapti. uzim ishsizman. ishlash uchun chet davlatgaishlashga borishim kerak yeshim utib boryapti chika olmayapman. menga konuniy yuli buyicha tushuntirish berishingizni surayman. Respublika sall sentrga alokaga chiksam karzdorlik yuk bulsa, bola voyaga yetgan bulsa tugridan tugri takik ochiladi dedi, tuman MIB xodimi arizasi bulmasa takikni bekor kila olmayman degan javob bermokda.
YURIST JAVOBI:
1️⃣Birinchidan, Oila kodeksining 96-moddasiga ko‘ra ota-ona o‘zining voyaga yetmagan farzandi uchun aliment to‘lashi shart.
Qoidaning mazmuniga ko‘ra aliment farzand voyaga yetgunga qadar to‘lanadi. Fuqarolik kodeksining 22-moddasiga ko‘ra shaxsda muomala layoqati 18 yoshga to‘lganda vujudga keladi. Boshqacha aytganda shaxs 18 yoshga to‘lganda u voyaga yetgan hisoblanadi.
Amaldagi qonunchilikka ko‘ra aliment to‘lovchining majburiyati aliment oluvchi 18 yoshga to‘lganda bekor bo‘ladi. Sizdagi kabi murojaat bilan ko‘pchilik yozgan. Biroq bunday majburiyat mavjud emas. Ya’ni bola 18 yoshga to‘lgandan so‘ng ota-onaning bola oldidagi majburiyatlari tugaydi.
Demak, sizdagi vaziyatda ham farzandingiz 21 yosh bo‘lgani uchun sizning aliment to‘lash majburiyatingiz bekor bo‘ladi.
2️⃣Ikkinchidan, Sud hujjatlari va boshqa organlar hujjatlarini ijro etish to‘g‘risidagi qonunning 42-1-moddasining mazmuniga ko‘ra qarzdor majburiyatini belgilangan muddatda uzrsiz sabablarga ko‘ra ijro etilmaganda, davlat ijrochisi undiruvchining arizasi bo‘yicha yoki o‘z tashabbusi bilan qarzdor jismoniy shaxsning O‘zbekiston Respublikasidan chiqishini vaqtincha cheklash to‘g‘risida qaror chiqarishga haqli.
E’tibor bergan bo‘lsangiz, qoidada “uzrsiz sabab” bilan qarzdor majburiyatni bajarmagandagina xorijga chiqishga taqiq qo‘yilishi aytilmoqda. Agar sizda aliment qarzdorligi mavjud bo‘lmasa, MIB bunday taqiqni sizning so‘rovingizga muvofiq olib tashlashi kerak.
✅ Ushbu vaziyatda siz MIB davlat ijrochisining harakatlari yuzasidan ma’muriy sudga shikoyat qilib, taqiqni bekor qilish majburiyatini yuklashni so‘rashingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati