Question

GAZ XISOBLAGICHNI PLOMBASINI BUZGAN FUQAROLAR JAVOBGARLIKKA TORTILADI

⚡️Savol;
Men xo‘jaligimdagi gazni qayta yoqaman deb gaz xisoblagichni plombasini buzib qo‘ydim. Buning uchun menga qancha jarima qo‘llanilishi mumkin ?

⚡️Javob;
Ma’muriy javobgarlik to‘g‘risidagi kodeksning 101-moddasiga ko‘ra,

➖ Umumiy foydalanishdagi elektr, issiqlik, gaz tarmoqlariga o‘zboshimchalik bilan ulanish yoki ulardan foydalanish qoidalarini boshqacha tarzda buzish yoxud elektr, issiqlik energiyasi, tabiiy gazni hisobga olish asboblariga shu jumladan ularning plombalariga qasddan shikast yetkazish yoki bunday hisobga olish asboblarining ko‘rsatkichlarini o‘zgartirish maqsadida ularga tashqaridan aralashish, — fuqarolarga bazaviy hisoblash miqdorining o‘n baravaridan o‘n besh baravarigacha, mansabdor shaxslarga esa — yigirma baravaridan yigirma besh baravarigacha miqdorda jarima solishga sabab bo‘ladi.

✏️ Demak, agar vaziyat aynan Siz aytgandek bo‘lsa ya’ni, gazni qayta yoqaman deb ehtiyotsizlik orqasidan hisoblagichni plombasini buzib qo‘ygan bo‘lsangiz va holat xuddi Siz aytgandek bo‘lganligini isbotlab bersangiz Sizga ma’muriy javobgarlik qo‘llanilmasligi kerak. Lekin, vaziyat aslida Siz aytganingizdan boshqacharoq shaklda sodir etilgan bo‘lsa Sizga nisbatan BXMning 10 dan 15 baravarigacha jarima qo‘llanilishi mumkin.


Savol yuborish 
       @yuristdan_javob_bot

Kanalga ulanish
                  @Yurist_Blogerr