O‘zbekistonda issiqxonalar uchun haroratni nazorat qiluvchi “aqlli” plyonka ishlab chiqariladi
O‘zbek olimlari issiqxonalarda haroratni barqaror ushlab turuvchi nano-kompozit zarrachalar yaratdi. Ular plyonkaga qo‘shilib, havoni mo‘tadil saqlaydi.
Nano-zarrachalar quyoshning ultrabinafsha nurini infraqizil diapazonga aylantirib, issiqxona ichida haroratni +5...+7°C darajada ushlab turadi.
Bu esa odatiy plyonkadan ancha samarali: energiya sarfi 60% ga kamayadi, o‘simliklar 1,5–2 barobar tez o‘sadi, hosildorlik 35–50% ga ortadi, suv tejalishi esa 30–90% gacha bo‘ladi.
Mazkur loyihani amalga oshirish bo‘yicha Xitoy kompaniyasi bilan hamkorlik to‘g‘risida kelishuv imzolandi.