Question

Fibroadenoma qanday kasallik?

 Farida Fazliddinova

✍ Ahadjon Abduxalilov, sog‘lom hayot targ‘ibotchisi

 Fibroadenoma - biriktiruvchi va bez to‘qimasidan paydo bo‘luvchi hosila, xavfsiz o‘sma hisoblanib, sut bezlari, prostata bezi va boshqa a’zolarda uchraydi. Kasallik bartaraf etilmasa, xavfli o‘smaga aylanishi va boshqa organlarga tarqalishi mumkin.

❇️ Kasallikka gormonlar faoliyatining buzilishi,, homiladorlik, dori vositalarini noto‘g‘ri qo‘llanishi va nojo‘ya ta’sirlari, boshqa kasalliklarni vaqtida davolamaslik va emizish sabab bo‘lishi mumkin.

 Fibroadenoma asosan dumaloq shaklga ega bo‘lib, 10-20 foiz hollarda tarqalishi mumkin. O‘smaning sut bezi yo‘llari va teri bilan qo‘shilgan shakli ya’ni yaproqsimon shakli xavfli o‘smaga aylanishi mumkin.

✔️ Kasallikning oldini olish va qaytalanmasligi uchun ko‘krak bezi jarohatlanishidan saqlanish, stressdan xalos bo‘lish, boshqa kasalliklar, ayniqsa, ginekologik kasalliklarni vaqtida davolash va 1 yilda 1-2 marta mammolog ko‘rigiga borish talab etiladi.